„Турција нема да потклекне под теророт на улицата“, кажа Ердоган, оценувајќи дека протестите на повик на опозицијата ќе завршат во ќорсокак.
„Нема да толерираме никакво нарушување на јавниот ред и мир“, додаде тој.
Озгур Озел, лидерот на Републиканската народна партија (ЦХП), најголемата опозициска партија во земјата, на која ѝ припаѓа Имамоглу, ги повика Турците да излезат денес во 20:30 часот по локално време, и покрај заканите на власта.
🔴💥🔥#Turquie
Après le licenciement de ka direction du barreau d’Istanbul, les avocats du Barreau d’Istanbul se dirigent vers le bâtiment du Barreau,en forçant la barricade policière. pic.twitter.com/owjjMIzYGJ— Neruda57 🐝🕊️🔻 (@Neruda57) March 21, 2025
„Од сега никој не треба да очекува дека ЦХП ќе води политика во сали или згради. Од сега сме на улиците и плоштадите“, порача синоќа Озел пред градското собрание во Истанбул, каде илјадници луѓе се собраа втор ден по ред во знак на поддршка на Имамоглу, главниот ривал на Ердоган.
Два моста и неколку големи сообраќајници кои водат до градското собрание се затворени денес за сообраќај на 24 часа.
Протестите се одржуваат од средата во најмалку 32 од 81 турска провинција, според Франс прес.
Demonstrations in Istanbul NOW 🚨🇹🇷pic.twitter.com/obpCAHJ95l
— Great Israel ✪ 🇮🇱🎗️ (@Israel4peaceful) March 21, 2025
Министерот за правосудство Јилмаз Тунч ги оцени повиците на протести на опозицијата како „незаконски и неприфатливи“.
Ваков бран протести во Турција не се памти од големите протести од 2013 година кои почнаа од плоштадот Таксим.
Üniversitelilerin direnişine halk da destek veriyor
Barikata yüklenenler biber gazına rağmen direnişe devam ediyor
Polis saldırıları yuhalanıyor pic.twitter.com/s89WmWdb4m
— sendika.org (@sendika_org) March 21, 2025
Екрем Имамоглу, кого инспекторите почнале да го испрашуваат од петокот попладне, требаше во недела да биде имануван за кандидат на ЦХП на претседателските избори.
Но, во вторникот вечерта му е поништена универзитетската диплома, неколку дена пред да биде уапсен. Турскиот устав пропишува дека претседателски кандидат мора да има универзитетска диплома.
Имамоглу во 2024 година беше повторно избран за градоначалник на Истанбул откако градот го ослободи од рацете на владејачката Партија на правдата и развојот (АКП) во 2019.
