Интер Мајами реди победи откако пристигнаа поранешните ѕвезди на Барселона на чело со Лео Меси, Аргентинецот даде уште еден гол, девет на шест натпревари.
Серијата погодоци ја отвори Мартинез уште во третата минута од натпреварот, а во 20. минута Меси од огромна далечина погоди за предност од 2-0.
Пред самиот крај на првото полувреме реализираше и Жорди Алба, негов деби погодок во дресот на Интер Мајами.
Во 73. минута Бедоја намали на 1-3 и внесе малку надеж кај Филаделфија, но десет минути подоцна Руиз ги постави конечните 4-1 за Интер Мајами.
Тие во финалето ќе играат против Нешвил кој беше подобар од Монтереј со 2-0.
