Покрај тоа, според него, администрацијата на американскиот претседател Џо Бајден има цел да ја наруши позитивната динамика која се создава во и околу Сирија.
„Штом во некој „проблематичен“ регион забележат знаци на нормализација, Англосаксонците ги интензивираат контактите со локалните терористи и екстремисти. Сирија е очигледен пример“, оцени Наришкин.
Тој објасни дека Вашингтон за таа цел ја засилува поддршката на екстремистичките курдски и арапски формации, лојални на САД.
Наришкин додаде и дека Франција активно ги поддржува Соединетите Американски Држави и Британија во дестабилизацијата на ситуацијата во клучни светски региони.
„Главниот акцент на Вашингтон и Лондон е целена дестабилизација на ситуацијата во клучни региони и создавањето оперативно-тактички коалиции околу нив под контрола на Англосаксонците. Во реализацијата на тој деструктивен курс активно ги поддржува Париз, кој исклучително тешко го поднесува губењето на влијанието во Африка“, истакна Наришкин.
