Српскиот тенисер сега дојде до 430 настапи на грен-слем турнирите со што стана рекорден во најмногу вакви настапи. Претходниот рекорд го држеше Федерер со 429.
Што се однесува до мечот, Новак тргна фуриозно, првиот сет го доби со 6-1, но така не беше и во вториот сет кој го загуби во тајбрејк со 7-4.
Откако се случи тоа, Ѓоковиќ повторно го крена своето ниво, ги доби наредните два сета со 6-3 и 6-2 и дојде до триумф од 3-1 во сетови.
Во третото коло Ѓоковиќ ќе се сретне со чешкиот тенисер Махач кој со 3-2 во сетови беше подобар од Опелка.
Од фаворитите ноќеска одличен настап имаше Карлос Алкараз кој загуби само пет гејма против Нишиока, го победи со 6-0, 6-1 и 6-4.
