Фрегатата беше дел од одбранбената поморска мисија ЕУ Аспидес, а беше распоредена во Црвеното Море на крајот на февруари за да ги заштити трговските бродови од напади на милитантите во Јемен, кои протестираат против војната во Газа.
Црвеното Море е област на најважната поморска рута од Азија до Европа, која минува низ Суецкиот канал.
Милитантните Хути, кои се сојузници со Иран, сакаат со своите напади да принудат прекин на израелската воена операција во Појасот Газа.
Фрегатата, со екипаж од 240 лица, ја заврши својата мисија и ја напушти зоната на мисијата, соопшти Бундесверот.
Екипажот на Хесен повеќе пати соборувал беспилотни летала лансирани од милитанти во првата мисија од ваков вид лансирана од германската морнарица.
Бродот е распореден на 23 февруари по серијата напади врз трговски бродови. Големите бродски компании почнаа да го избегнуваат Црвеното Море, дел од најкратката поморска рута меѓу Азија и Европа, влијаејќи на глобалната економија.
Германското Министерство за одбрана соопшти дека бродот безбедно придружувал 27 трговски бродови низ зоната на мисијата.
Во четири случаи, беспилотни летала и проектили истрелани од Хутите биле успешно соборени, објави Министерството.
Севкупно, фрегата поминала повеќе од 11.000 километри во зоната на мисијата.
