„Огорчени сме од бројот на цивилни жртви и повикуваме на итно обновување на прекинот на огнот“, изјавија министрите за надворешни работи на трите земји, Жан-Ноел Баро, Аналена Баербок и Дејвид Лами.
„Ги повикуваме сите страни да продолжат со преговорите за прекинот на огнот да се спроведе во целост и да стане траен“, додаваат тие. „Го повикуваме Израел да ја овозможи испораката на помош, вклучително и пристапот до вода и електрична енергија и да обезбеди медицинска нега во согласност со меѓународното хуманитарно право“, се вели во соопштението.
Министрите ги повикаа и милитантите на Хамас да ги ослободат израелските заложници.
Тие исто така рекоа дека конфликтот меѓу Израел и Палестинците не може да се реши по воен пат и дека долгорочен прекин на огнот е единствениот веродостоен пат кон мирот.
„Јасно е дека Хамас повеќе не смее да владее со Газа или да претставува закана за Израел. Сепак, овој конфликт не може да се реши по воен пат. Понатамошно крвопролевање не е во ничиј интерес“, рекоа министрите.
