“Во текот на вчерашниот ден, до нас беше доставена потпишаната декларација од страна на ВМРО – ДПМНЕ и ова е прва партија, коjшто ја потпиша Декларацијата за развивање и унапредување на приватниот геодетски сектор, со што истите се обврзуваат дека ако бидат дел од наредната избрана власт, ќе се залагаат во целост за нејзина реализација. Навистина постои задоволство, бидејќи добиваме поддршка од најголемата опозициска партија, која претендира да биде дел од власта, но од друга страна, упатуваме уште еден апел и до сите останати политички субјекти, да ја прифатат и потпишат оваа декларација, бидејќи перспектива на овој сектор без спроведување на оваа општа декларација-нема”, истакна Никола Рибароски претседател на Комората и додаде дека ако уште некој политички субјект ја потпише Декларација, за тоа повторно ќе ја известат јавноста.
Комората тврди дека ниту една надлежна институција, ништо не презема, а Агенцијата за катастар и покрај тоа што останува затворена за јавноста, во позадина продолжува со спроведување на репресијата и анархијата и врши притисок према приватните компании.
Од Комората се децидни дека Агенцијата за катастар на недвижности останува скриена за јавноста, но зад сцената „продолжува со анархијата и со теророт кој го спроведуваат врз приватните компании“. Оттаму посочија на примерот со, како што веат, насилното затворање на фирмата Нова геодет од Битола и одземањето на овластувањето на овластениот геодет на истата компанија.
„Но ваквата тенденција, на одмазничко затварање на компаниите, под изговор дека законските одредби се такви, продолжува и понатаму. Сега на дневен ред е ставена компанијата Гео – ар од Струмица. Оваа лиценца е спасена со решение издадено од Комората уште во 2022 година, но сега со противзаконските одзмени јавни овластувања, со срамната пресуда од страна на Управниот Суд и со криминално донесената измена на Правилникот за лиценцирање, Агенцијата за катастар самата себеси се прогласи за надлежна да донесе одлука по однос на оваа лиценца. Најодговорно тврдам дека и во случај, нема никво прекршување на Законските и подзаконсите акти, а доколку не би било трагично, би било премногу саркастично, бидејќи тие што покренаа иницијатива за одземање на оваа и неколку други лиценци, сега истите тие се прогласуваат надлежни за нивно одлучување, односно одземање на истите“. Слични примери на овој се и покренатите процеси за лиценците на компанииите „Н Гео проинг“ од Гостивар, како и на „Гео вис нова“ од Скопје, чиј пак што пример за покренување на процес за затварање е дефинитвно со најголемата баналност за разлика од сите други. Впрочем најголемо ‘постигнување’ во целокупното работење на ова раководство на Агенцијата за катастар е покренување на процеси за одземање на лиценци на вкупно 12 компании. Наместо да се стимулира бизнис-клима за отварање на нови и развивање на постојните компании, имаме одземање лиценци и затворање на фирми“, вели Рибароски.
Од Комората на трговски друштва за геодетски работи, истакнуваат дека и покарај сѐ, продолжуваат да се борат со најразлични средства преку институциите на системот.
“Упатуваме јавен апел до Уставниот суд, да постапат колку што е можно побрзо, по однос на нашата иницијатива со предлог за времена мерка за укинување на скандалозно донесените измени на Правилникот за лиценцирање, бидејќи со неговото донесување штетите кои се нанесуваат се огромни, не само за Комората, туку и општо преку задирањето во пазарните начела на конкурентност“, велат од комората.
Оттаму оствариле средба и со претседателката на Судскиот совет, Весна Дамева и било договрено Комората да ги достави сите пресуди од Управниот суд, за кои сметаат дека има тенденциозност, со цел да се направи обид за нивно преиспитување. Исто вакво барање за работен состанок, упативме и до претседателот на Управен суд, но досега оттаму одоговор нема.
„Дополнително, подготвуваме соодветни пријави за потесното раководство на Агенцијата за катастар и до сите оние, кои веќе ставаат свои потписи, претставувајќи се како членови на некаква си комисија за лиценцирње, иако многу јасно и недвосмислено во Законот за катастар на недвижности е запишано кој тоа го прави, кој ја формира таа комисија и чиј е паричниот надоместок кои заинтересираните правни субјекти го исплаќаат за издавање на лиценца“, додава Рибароски.
