четврток, 23 мај 2024

Генералното собрание на ОН треба да ја поддржи кандидатурата на Палестина за членство

Генералното собрание на Обединетите нации денеска треба да ја поддржи палестинската кандидатура за полноправно членство во ОН со што ќе ја признае како квалификувана за членство и ќе го испрати барањето назад до Советот за безбедност на ОН „да го преиспита прашањето во корист на Палестинците“.

Илустрација: ЕПА

Објавено на

часот

Сподели

Палестинците ја оживуваат својата кандидатура за полноправно членство во ОН, со што декларативно би била призната палестинската држава, откако САД ставија вето во 15-члениот Совет за безбедност на ОН минатиот месец.

Гласањето на Генералното собрание од 193 члена се смета за анкета на светското мислење за палестинското прашање. Барањето за полноправно членство во ОН прво мора да биде одобрено од Советот за безбедност, а потоа и од Генералното собрание.

Но, иако самото Генерално собрание не може да даде полноправно членство во ОН, нацрт-резолуцијата за која се гласа денеска ќе им даде на Палестинците некои дополнителни права и привилегии од септември 2024 година, како што е место меѓу членките на ОН во собраниската сала, но нема да имаат право на глас во телото.

Дипломатите велат дека нацрт-текстот најверојатно ќе ја добие поддршката потребна за усвојување.

Палестинското барање за полноправно членство во ОН доаѓа по седуммесечната војна меѓу Израел и палестинските милитанти Хамас во Појасот Газа, како и проширувањето на израелските населби на окупираниот Западен Брег, што ОН го сметаат за незаконско.

Палестинците во моментов се земја набљудувач која не е членка, што е де факто признавање на државноста доделена од Генералното собрание на ОН во 2012 година.

ТОП ВЕСТИ

ПОСЛЕДНИ ВЕСТИ