Пролетната седница на српскиот парламент почна денеска. Почетокот на седницата беше одбележан со хаос во салата, со фрлање димни бомби, а според дел од српските медиуми дошло и до тепачка меѓу пратениците.
Пратениците од опозицијата развиле и транспарент на кој пишувало „Србија се крева за режимот да падне“, држејќи српско знаме. Собраниската сала била исполнета со чад, а за време на инцидентот низ просторијата летале и јајца.
U Skupštini je došlo do guranja u prostoru ispred predsednice, a tu je i dim.#Skupština pic.twitter.com/JnN28K8FUC
— Otvoreni Parlament (@O_Parlament) March 4, 2025
Сè започнало кога пратениците од опозицијата развиле транспарент со натпис „Србија се крева за режимот да падне“. Претставниците на владејачкото мнозинство ѝ одговориле на опозицијата со извици „усташи“ и вееле српски знамиња. Дошло до гаѓање со шишиња со вода, при што еден пратеник бил погоден во главата. Салата била полна со чад.
Милош Јовановић пали прву димну бомбу и баца је међу посланике @sns_srbija !#skupština #srbija #sns pic.twitter.com/i5rD6kz9Zp
— Marko Mladenović (@mladenovic_mare) March 4, 2025
„Ќе победат работата и борбата. Добро е што ги покажавте вашите вистински лица. Сакате да дојдете на власт со солзавец“, рече претседателката на собранието Ана Брнабиќ, додавајќи дека пратеничката на СНС Јасмина Обрадовиќ била погодена во главата и била пренесена со возило на брза помош. Брнабиќ ја обвини опозицијата, нарекувајќи ги „миленичињата на Албин Курти“.
„Можете само да нè убиете ако сакате да нè спречите да работиме“, рече таа, обраќајќи ѝ се на опозицијата. „Можевте да ги однесете јајцата на некое семејство наместо да ги фрлате во беспомошност и ароганција“, додаде таа. „Пратеничката Јасмина Обрадовиќ доживеа мозочен удар и е во критична состојба. Таа се бори за живот откако фрливте на неа шок бомба“, тврди Брнабиќ.
OVA SKUPŠTINA će nastaviti da radi pic.twitter.com/j7fUUm9O2o
— Jovana Polic (@JovanaPolic) March 4, 2025
Како што може да се види на снимката која кружи на социјалните мрежи, во настанатиот хаос пратеникот Пеѓа Митровиќ од опозициската СПП (Партија за слобода и правда) се упати кон функционерот на СНС, Миленко Јованов. Се гледа како Митровиќ му приоѓа на Јованов, а зад него се приближуваат и пратениците од опозицијата Драган Ѓилас и Павле Грбовиќ. На снимката понатаму се гледа физичка пресметка меѓу пратеници во собраниската сала.
Sta se ovo desava sa nasom opozicijom, za ciji gros ovo rade?
Nikada necu shvatiti zasto su ovi ljudi toliko protiv Srbije i ne zele njen napredak. #skupstina pic.twitter.com/wB45MHTjEA— Milica Maric (@MilicaM21047132) March 4, 2025
Откако пратениците од опозицијата фрлиле димни бомби во собраниската сала, десетици полицајци во цивилна облека, припадници на Единицата за безбедност, пристигнале во фоајето на зградата, каде новинарите чекале прес-конференција. На новинарите не им бил дозовелен влез во салата, додека седницата била прекината, а мирисот на чад се чувствувал низ зградата, предизвикувајќи иритација на носот и очите, пренесува Нова.рс. Дел од пратениците од опозицијата ја напуштиле собраниската сала.
Овакаво насиље у #skupstina је недопустиво и мора бити осуђено од свих чинилаца друштва и јавности. pic.twitter.com/UI0F35HdOL
— Nikolina Milovanovic (@MilovanovicNiki) March 4, 2025
