Производителот на експлозиви Еуренко планира да произведува околу 1.200 тони барут годишно, со цел да го зголеми капацитетот на 1.800 тони.
Оваа количина е доволна за полнење на приближно 100.000 артилериски гранати. Повеќето од овие гранати, произведени во Франција, ќе бидат испорачани во Украина.
Проектот беше поддржан од француската влада, а инвестирани се 100 милиони евра, од кои половина се од програмата за поддршка на одбранбената индустрија на Европската унија. Еуренко ја изгради новата инфраструктура за помалку од една година.
Франција има вековна традиција на производството на барут, кое датира од 14 век и долга историја на стремеж да биде самостојна во производството на оружје. Еуренко произведуваше барут за време на Првата светска војна. Но, по крајот на Студената војна, многу земји, вклучително и Франција, ги намалија инвестициите во одбранбеното производство и ги сменија приоритетите.
