Распоредувањето е и добра и лоша вест за долгонајавуваната контраофанзива на Киев, која почна во јуни со низа напади низ јужна и источна Украина.
82-та бригада и нејзината сестринска воздушно-јуришна единица, 46-тата бригада се меѓу последните големи единици кои Киев ги чуваше во резерва. Со испраќањето на тие формации во борбата, Украинците би можеле значително да ја засилат својата огнена моќ долж една од главните насоки на контраофанзивата која се протега од Роботино до Мелитопол, северно од брегот на Црно Море.
Но, како што наведува Форбс, ниедна бригада не може да се бори вечно. Кога 46-тата и 82-та бригада ќе се повлечат за одмор, ресетирање и поправки, можеби нема да има ниедна подеднакво моќна свежа бригада која би ги заменила и украинската офанзива ќе го изгуби замавот.
Ова не е ни нов проблем, ни проблем кој е единствен за Роботино. Украинскиот марински корпус, кој ги фокусираше своите напори долж долината на реката Мокри Јали, ги распореди сите четири свои бригади на линијата на фронтот долж сектор широк 16 километри. Тактиката, засега, им се исплати, но на тие бригади им е потребен одмор, а Киев нема доволно обучени сили да ги замени.
Истиот проблем го имаат и во Роботино, каде руските сили уништуваат борбени возила и тенкови, додека две украински бригади се обидуваат да влезат во градот.
Ако Русите во Роботино успеат да ги задржат своите позиции и да го издржат веројатно големиот, но привремен скок на украинската борбена моќ, би можеле на крајот да се најдат во позиција да им возвратат на Украинците, кога бригадите ќе ротираат од линијата на фронтот без замена.
