четврток, 23 мај 2024

Фон дер Лајен: Ќе им возвратиме на пријателите на Путин во Европа

Претседателката на Европската комисија и кандидат на централната десничарска Европска народна партија (ЕПП) за европските избори, Урсула фон дер Лајен, вети дека ќе им се „одмазди“ на екстремно десничарските „пријатели на Путин“ во Европа кои сакаат да ја „киднапираат“ нејзината иднина.

Епа

Објавено на

часот

Сподели

„Русија не само што се обидува да ја избрише Украина од лицето на земјата. Руската агресија е поширока: таа со години презема хибридни напади врз Европа. Или преку сајбер напади или манипулација на социјалните мрежи или инструментализација на мигрантите“, рече фон дер Лајен за време на нејзиното обраќање во Атина, каде што присуствуваше на 50-годишнината од формирањето на владејачката Нова демократија, член на ЕПП.

Таа истакна дека „пријателите на Путин во Европа“ се обидуваат „да ја препишат историјата и да ја украдат иднината, или под маската на популисти или демагози“. Без разлика дали се работи за АФД во Германија, Националното собрание во Франција, Конфедерацијата во Полска или други. Можеби имињата се различни, но целта е иста: ги газат нашите вредности и сакаат да ни ја украдат иднината“.

Фон дер Лајен оцени дека Европа мора да ги зголеми трошоците за колективна одбрана.

„Бидејќи војната не е минато во Европа, соработката во областа на одбраната мора да биде карактеристика на иднината во Европа. И токму за тоа ќе се залагаме во оваа кампања“, изјави Фон дер Лајен.

Грчкиот премиер Киријакос Мицотакис на прославата изјави дека Европа нема простор за експериментирање, додавајќи дека во Грција економската криза траела подолго бидејќи „популизмот го спречил нејзиното заживување“.

ТОП ВЕСТИ

ПОСЛЕДНИ ВЕСТИ