„Финска го смета планот за автономија претставен во 2007 година како сериозен и кредибилен придонес во политичкиот процес предводен од ОН и како добра основа за договорно решение меѓу страните“, се вели во соопштението.
Новата позиција на Финска ќе треба да се процени со текот на времето бидејќи означува суштинска еволуција на позициите што оваа земја ги имаше во минатото.
Финска е првата нордиска земја која формално го поддржа планот за автономија предложен од Мароко. Оваа нова позиција на Финска го зајакнува моментумот во рамките на Европската Унија. Финска е 17-та земја членка на ЕУ која ја поддржува автономијата на Сахара под марокански суверенитет.
Новата позиција на Финска, која доаѓа само една недела по онаа на Франција, претставува дел од меѓународната динамика за поддршка на суверенитетот на Мароко над мароканскиот дел од Сахара и Планот за автономија, кој под водство на мароканскиот крал беше поддржан од многу земји во текот на последните неколку години.
Новиот став искажан од Финска е државен став кој ги обединува сите сфери на скандинавската држава во рамките на извршната и законодавната власт. Истиот беше донесен во консултација со претседателот, а проследен со дискусии на ниво на Владата и Комисијата за надворешни работи во финскиот парламент.
