Извор запознаен со безбедносните подготовки, изјави дека најмалку 7000 полицајци ќе бидат мобилизирани да го бараат и уапсат поранешниот водач, кој е под истрага од Меѓународниот кривичен суд за илјадници смртни случаи поврзани со неговата војна против дрогата.
Според изворот, безбедносните сили ќе ги обезбедуваат главните влезни точки низ целата земја, вклучително и пристаништата и аеродромите, како подготовка за враќањето на Дутерте од Хонг Конг. Сепак, напорите за негово апсење ќе бидат фокусирани на Метро Манила и Давао, неговата родна покраина, според Манила тајмс.
Бројот на полицајци што треба да бидат распоредени, наводно, е двојно поголем од минатогодишната потрага по основачот на Кралството на Исус Христос, Аполо Киболој. Висок полициски функционер, кој побара анонимност, го потврди ова распоредување.
