Николо Фаџоли доби седум месеци суспензија откако се договори со обвинителството, односно го призна делото, целосно соработувал со властите и изразил желба да се лечи од зависност од обложување.
Медиумите од Италија сега пренесуваат дел од исказите на фудбалерот пред обвинителот, почнал да се обложува од забава и „да тепа слободно време“, но потоа станал зависен и опседнат.
До септември 2022 година, веќе направил долг од 250.000 евра, а во иднина работите станале само потешки. Тој почнал да се обложува на фудбал (се правдал дека никогаш не се обложувал на Јувентус и Кремонезе) и долгот стигнал до 3 милиони евра, сериозен проблем со оглед на тоа дека во дресот на „старата дама“ заработува околу 1 милиони евра годишно.
Како растел долгот, пристигнувале и закани: „Ќе ти ги искршиме нозете!“
Позајмувал и пари од соиграчи, земал по 40.000 евра од Гати и Драгушин, ги лажел дека му се за накит, а со парите купил скапи часовници, кои ги дал како залог за долгот.
Дното го допрел на мечот помеѓу Сасуоло и Јувентус, „Само што го напуштив теренот почнав да плачам пред камерите, мислев на моите проблеми со коцкарскиот долг“.
