Макрон ова го изјави на крајот од самитот во Париз, каде што лидерите на ЕУ во понеделникот се собраа за да разговараат за поддршката за Киев. Макрон рече дека поразот на Русија е „неопходен“ за безбедноста и стабилноста на Европа и дека лидерите на ЕУ за време на самитот за темата западни војници во Украина разговарале на „многу слободен и директен“ начин.
Француските партиски лидери денеска го критикуваа Макрон, при што екстремнодесничарската лидерка Марин ле Пен го обвини претседателот дека глуми „воен лидер“.
„Не знам дали некој ја сфаќа сериозноста на таквата изјава. Емануел Макрон глуми воен лидер, но животите на нашите деца се тоа за што тој зборува со таква безгрижност. Во прашање е мир или војна во нашата земја“, рече Ле Пен, а лидерот на екстремната левица Жан-Лук Меланшон рече дека испраќањето војници во Украина ќе ја направи Франција „воинствена“.
А потоа и западните сојузници се спротивставија на потегот внесување војници во Украина, вели Политико.
Германскиот канцелар Олаф Шолц рече дека лидерите во Париз се согласиле дека „сите мора да направат повеќе за Украина“, но дека „едно е јасно: нема да има копнени трупи од европските држави или од НАТО“.
„Во моментов тоа воопшто не е релевантно. Во моментов, ние сме целосно окупирани со испраќање развиени материјали од Шведска во Украина на многу различни начини како што тоа го прават многу други земји“, изјави шведскиот премиер Улф Кристерсон за шведската телевизија СВТ. „Тоа е сосема друга работа“.
За време на заедничката прес-конференција во вторникот наутро, чешкиот премиер Петр Фиала и полскиот премиер Доналд Туск, исто така, рекоа дека немаат планови да испраќаат војници во Украина.
„Ќе се обидеме да ја забрзаме испораката на муниција. Треба да го зајакнеме военото производство во Европа“, рече Фиала. „Не мора да бараме нови начини да помогнеме, мора да бидеме поактивни и да дејствуваме побрзо“.
Унгарскиот министер за надворешни работи Петер Сијарто рече дека Будимпешта, која е поблиска со Москва од која било друга членка на ЕУ или на НАТО, „не сака да испрати оружје или војници во Украина“, додавајќи дека ставот на земјата за ова е „јасен и цврст. ”
И НАТО не сака да испраќа војници – генералниот секретар на воената алијанса Јенс Столтенберг изјави за Асошиејтед прес дека „нема планови борбени трупи на НАТО да стапнат на боиштето во Украина“.
Од своја страна, вели Политико, ни Украина нема побарано западни војници на нејзина територија. Претседателот Володимир Зеленски во неделата рече дека „нема преговори“ на оваа тема.
„Војниците на западните партнери може да се појават на територијата на нашата земја и да спроведуваат борбени операции само во еден случај – кога Украина ќе стане членка на Северноатлантската алијанса“, рече тој на форумот „Украина. Година 2024“.
„Конфликтот со НАТО е неизбежен ако западни војници влезат во Украина“, ја пренесе денес Дмитриј Песков реакцијата на Кремљ на оваа тема.
