Наградата ја доделува Државната агенција за развој на образованието (ВИАА) при Министерството за образование на Летонија во соработка со програмата за образование на Европската унија Еразмус+.
Државната агенција (ВИАА) додели вкупно 14 награди на висококвалитетни и одржливи проекти од високото и средното образование и од областа на спортот.
Еразмус+ е програма на Европската комисија за образование, обука, млади и спорт за периодот 2021-2027 година и претставува наследник на претходната програма Еразмус која го покриваше периодот 2007–2014 година.
Како интегрирана програма, Еразмус+ нуди повеќе можности за мобилност на студентите и кадрите во соработка со секторите за образование и обука за млади со поедноставени правила за финансирање и структура на студиските програми.
Околу две третини од буџетот е посветен на можностите за студирање во странство за поединци, во рамките на ЕУ и пошироко; остатокот е поддржан од партнерства помеѓу образовните институции, младинските организации, бизнисите, локалните и регионалните власти и невладините организации, како и реформите за модернизирање на системите за образование и обука и млади. Програмата е отворена за студенти, доценти, наставници, предавачи, волонтери, средношколци и спортисти. Еразмус+ акција 1 дава единствена можност за наставниците, директорите, воспитувачите и другиот персонал од образовните институции да учествуваат на меѓународни курсеви за обука во различни европски земји.
Високото образование е еден од најголемите цивилизациски дострели на човештвото денес. Неговата основна мисија е активно да придонесе за развој на општеството преку создавање на човечки капитал на високостручни, креативни, слободоумни, критички ориентирани високообразовани луѓе, визионери и лидери, кои треба да бидат главен двигател на развој на опшеството во целина. Под поимот „општествен развој“, покрај економски и технолошки развој кој води до подобар материјален комодитет, се подразбираат и многу пошироки хуманистички дострели, поврзани со општиот интелектуален и духовен напредок, стремеж кон слобода и демократија, стремеж кон индивидуална и национална афирмација и дигнитет, развој на колективен дух и припадност кон него, потрага по смислата на човечката егзистенција, како едни од основните предуслови за добробит на човекот и нацијата.
