ЕУ „ќе преземе посилни чекори за да се спротивстави на ризиците што ги претставуваат овие бродови“, изјави шефицата за надворешна политика на ЕУ Каја Калас за весникот „Ди Велт“ во интервју објавено во понеделникот.
„Руската „флота во сенка“ ја загрозува животната средина и го финансира рускиот воен буџет“, рече Калас, додавајќи дека бродовите се осомничени дека извршиле акти на саботажа.
Подводниот енергетски кабел Естлинк 2 меѓу Естонија и Финска беше прекинат во средата, како што се сомневаат финските власти се работи за чин на саботажа.
Тие го задржаа нафтениот танкер „Игл С“ кој плови под знамето на Куковите острови, чие сидро се верува дека го оштетило кабелот. Според ЕУ, бродот би можел да припаѓа на таканаречената руска „флота во сенка“ – танкери и други товарни бродови кои Русија неофицијално ги користи за, на пример, заобиколување на санкциите за транспорт на нафта.
Калас, поранешна премиерка на Естонија, рече дека саботажите во Европа се зголемени откако Русија ја започна војната против Украина во февруари 2022 година. „Неодамнешните обиди за саботажа во Балтичкото Море не се изолирани инциденти, тие прават намерен образец насочен кон оштетување на нашата дигитална и енергетска инфраструктура“, додаде Калас.
Во саботата, германската министерка за надворешни работи Аналена Баербок веќе го вклучи алармот поради руската „флота во сенка“ и повика на дополнителни санкции од ЕУ. Баербок предупреди дека „трошната руска флота во сенка“ претставува сериозна закана и за животната средина и за европската безбедност. „Речиси секој месец, бродовите во моментов оштетуваат важни подморски кабли во Балтичкото Море“, рече Баербок.
