Се претпоставува дека ќе разговараат и за членството на Шведска во НАТО, кое Турција и Унгарија сѐ уште не го ратификувале.
Посетата на Ердоган се совпаѓа со 100-годишнината од воспоставувањето на дипломатските односи меѓу двете земји.
„Сакаме дополнително да ги зајакнеме нашите врски во областите како што се одбраната и енергетиката, каде што веќе имаме плодна соработка“, рече Ердоган, додавајќи дека двете земји имаат за цел да го зголемат обемот на трговска размена на 6 милијарди долари од сегашните 4 милијарди долари.
За време на оваа, втора посета за неколку месеци, Ердоган беше примен со воени почести на историскиот Плоштад на хероите во срцето на Будимпешта, пред да се упати на состанокот со претседателката Каталин Новак, а потоа и со премиерот Орбан.
Орбан му подари на Ердоган коњ Нониус, иако турскиот водач падна од коњ во 2003 година, потсетува Франс24. „Подарок од една коњаничка нација до друга“, напиша Орбан на Фејсбук.
Prezydent Turcji jest dzisiaj kordialnie podejmowany w Budapeszcie, co jest kolejnym objawem węgierskiego “otwarcia na wschód”. #Erdogan otrzymał nie lada jaki prezent – konia rasy nonius. „Dar od jednego narodu kawaleryjskiego dla drugiego” ogłosił Viktor #Orban 1/4 pic.twitter.com/JBbSP5EsNL
— Karol Kaźmierczak (@KKazmierczakK) December 18, 2023
За возврат, на Орбан му беше подарен електричен автомобил произведен во Турција, чија фотографија ја објави на мрежата Икс. „Најдобрата зделка што некогаш сум ја направил! За една коњска сила добив 435. Добре дојдовте во Унгарија, претседателе Ердоган!“ напиша тој.
Cumhurbaşkanı Erdoğan, Macaristan Başbakanı Orban’ın “at” hediyesine karşılık olarak Togg hediye etti. pic.twitter.com/xWUX35JpMa
— BPT (@bpthaber) December 18, 2023
За време на прес-конференцијата, Орбан рече дека неговата земја „бара сојузници со кои можеме да победиме“. „Големиот план е Турците и Унгарците да бидат победници заедно во 21 век“, рече тој.
Двајцата водачи потпишаа заедничка политичка декларација унапредувајќи ги односите до „напредно стратешко партнерство“, кое Орбан го опиша како „израз на најблиската, пријателска, братска и политичка соработка“.
Erdogan gives an electric car, called TOGG to Orban as gift, and gets a horse, named Aristocrat, in return.
A deep-rooted friendship between two mafia clans.
Their people can only dream of it, although it’s their money. pic.twitter.com/5Y9ja0NHAS
— Yasmina (@yasminalombaert) December 18, 2023
Ердоган, кој во јули конечно се согласи да го укине ветото за прием на Шведска, неодамна ја услови турската ратификација со одобрение од американскиот Конгрес на Турција да ѝ продаде воени авиони Ф-16.
Унгарија, од своја страна, даде начелна поддршка, но со месеци ја одложува ратификацијата.
Во последните години, Виктор Орбан ги интензивираше своите конфликти со Брисел и западните партнери, а во исто време спроведува политика на отворање кон исток.
Орбан е единствениот лидер во Европската унија кој одржува блиски врски со Кремљ и покрај руската инвазија на Украина. Тој се приближи и до Турција, Кина и земјите од Централна Азија.
