Дуров, кој има државјанство на ОАЕ покрај неколку други, беше приведен во саботата на париски аеродром откако пристигнал од Азербејџан.
Француските власти наводно го привеле поради обвинувања за финансиски криминал, сајбер прекршоци, овозможување трговија со дрога и експлоатација на деца на платформата телеграм. Дуров доследно ги негира овие тврдења, истакнувајќи дека се политички мотивирани, па апсењето предизвика сериозни последици на меѓународната сцена.
Врските на Дуров со ОАЕ, каде и се наоѓа седиштето на Телеграм, особено неговата блиска врска со синот на емирот, Зајед ал Нахјан, го направија овој инцидент уште почувствителен. ОАЕ гледаат на апсењето како нарушување на својот суверенитет и кршење на дипломатските норми. Оваа тензија ескалираше до тоа ОАЕ да одлучат да поништат голем договор за набавка на оружје со Франција, вреден 20 милијарди долари.
Договорот вклучува купување 80 борбени авиони „рафал“ од француската авио-компанија Дасо, а се очекуваше првата серија да биде испорачана во 2027. Меѓутоа, по апсењето на Дуров, владата на ОАЕ го суспендираше договорот, сигнализирајќи нагло влошување на односите меѓу двете земји.
Откажувањето на договорот од 20 милијарди американски долари претставува значителен удар за Франција, како економски така и дипломатски.
Потпишан во 2021 година, договорот беше еден од најголемите одбранбени договори кои Обединетите Арапски Емирати ги склучија во последните години. Суспензијата на договорот не само што претставува значителна економска загуба за Франција, туку го илустрира силниот став на ОАЕ во одбраната на своите граѓани и чувањето на својот суверенитет. Наглиот прекин на набавката на 80 борбени авиони „рафал“ покажува колку брзо дипломатските односи може да се сменат.
Францускиот претседател Емануел Макрон, кој во Србија тукушто потпиша договор за продажба на „рафали“, се обиде да ја смири ситуацијата наведувајќи дека апсењето Дуров не е политички мотивирано и дека не е поврзано со какви било пошироки геополитички судири, како актуелната војна во Украина. Меѓутоа, овие изјави не се доволни да го смират гневот на ОАЕ.
Времето на апсење, особено по извештајот дека Франција се обидела да го убеди Дуров да ги префрли операциите на Телеграм во Франција во 2018 година, поттикнува шпекулации дека може да се вмешани подлабоки мотиви.
Одговорот на Обединетите Арапски Емирати на сопирањето на договорот за „рафалите“ ги покажува размерите на дипломатските тензии и последиците, и ја истакнува сложеноста на меѓународните односи.
Иднината на договорот сега е неизвесна, а некои аналитичари сугерираат дека за него би можело повторно да се преговара, додека други веруваат дека е трајно одложен.
