Елиф Елмас го пропушти изминатото коло од Серија А поради ситна повреда, но таа е минато, македонскиот фудбалер е подготвен за вечерашниот предизвик, тој е во составот на Наполи кој е во Берлин на дуел со Унион.
Денот ќе започне со натпревари на Баерн Минхен и Интер. Баварците гостуваат во Истанбул кај Галатасарај, а нероазурите го пречекуваат Салцбург.
Дербито на денот е во Севиља каде актуелниот освојувач на Лига Европа е домаќин на Арсенал.
Манчестер јунајтед игра на Олд Трафорд против ФК Копенхаген, а Реал Мадрид гостува кај Брага. Денеска се играат уште и дуелите Бенфика – Реал Сосиедад и Ленс – ПСВ.
Дербито на колото е утре, дуелот меѓу ПСЖ и Милан, а атрактивен ќе биде и вториот натпревар од оваа група мечот меѓу Њукасл и Борусија Дортмунд.
Шампионот на нашиот северен сосед, Црвена звезда гостува кај Лајпциг, а Манчестер Сити ќе истрча како голем фаворит на теренот на Јанг Бојс.
Утре се играат и натпреварите Селтик – Атлетико Мадрид, Антверпен – Порто, Феенорд – Лацио и Барселона – Шахтар.
