Бохум одлично го почна мечот, со гол на Витек уште во седмата минута, но Олмо во 30. минута изедначи на 1-1.
Лајпциг во 65. минута направи тројна измена, а меѓу оние кои влегоа беше и Елиф Елмас.
Работите веднаш се променија и следуваа три голови на Лајпциг, погодија Опенда и Полсен, а автогол си даде Орбетс за победа од 4-1.
Гостинска победа забележа и Борусија Дортмунд која со голови на Адејеми и Матсен со 2-0 славеше кај Унион Берлин.
Најубедлив беше Аугсбург кој со 6-0 беше подобар на гостувањето кај Дармштад, гостински триумф забележа и Ајнтрахт кај Хајденхајм со 2-1.
Единствен непоразен домаќин во Бундеслигата денеска беше Мајнц кој одигра 1-1 со Борусија Менхенгладбах.
