Елмас досега оваа сезона играше на 42 меча од вкупно 43 во сите натпреварување, на сите им е јасно дека тој имаше значајна улога иако често влегуваше од клупата. Новинарот Марко Контеиро од „Туто Меркато Веб“ има посебни пофалби за македонскиот фудбалер.
„Македонецот е џокер пар екселанс на Спалети, зашто го гледавме како фудбалер за врска, како офанзивен фудбалер за врска, како крило, еднаш и центарфор… И секојпат тој успеваше да ги надмине очекувањата, посебно во делот на постојаност и во настапите. Неговата последна асистенција за голот на Распадори против Јувентус ја покажа сета негова разновидност и неговата вистинска вредност.
Елмас заслужи постојано да игра, а летово ќе биде важно пред него, зашто сѐ повеќе ја добива важноста на шаховската табла на Наполи, но јасно е дека не може постојано да биде алтернатива. Природно е да го земе местото на Пјотр Зиелински, како наследник зашто не ја знаеме иднината на Полјакот, но веќе постојат најави дека пола Европа и најголемите во Серија А ќе сакаат да го земат Елмас. Елиф отсекогаш велел дека сака да игра за Наполи, за тимот на лидерите Спалети и Ди Лоренцо“, пишува Марко Контеиро.
Понуди за Елмас несомнено ќе има, но Наполи веројатно ќе сака да го задржи, па сигурно нема лесно да се откаже од него.
