сабота, 24 февруари 2024

Еквадор: Им испраќаме старо руско железо на Украинците, а ќе добиеме модерно оружје од САД

Руското Министерство за надворешни работи денеска ја осуди одлуката на Еквадор да им предаде на САД воена опрема од руско производство, која ќе заврши во Украина, како „непромислено“ прекршување на договорот, пренесе агенцијата РИА.

ЕПА: Противвоздушен систем Игла

Објавено на

часот

Сподели

Владата на Еквадор минатиот месец соопшти дека ќе ја прифати понудата од Вашингтон за размена на, како што рече, „украинското и руското старо железо“ за напредна американска опрема вредна 200 милиони долари.

Соединетите Држави соопштија дека оружјето што го добиваат од Еквадор ќе биде испратено во Украина за да ѝ помогне на земјата да ги зајакне своите сили на бојното поле против Русија.

НЕКСТА во средината на јануари објави дека Еквадорците поседуваат хеликоптери Ми-171Е и лесно преносливи противвоздушни системи Игла.

Марија Захарова, портпаролка на руското Министерство за надворешни работи, изјави за РИА дека одлуката на Еквадор е донесена под притисок на надворешни сили.

„Таква непромислена одлука еквадорската страна донесе под сериозен притисок од надворешни страни“, рече таа.

„Нашите партнери добро ги знаат одредбите од договорот, кои вклучуваат обврска да се користи испорачаната опрема за наведените цели и да не се предава на трето лице без да се добие согласност од руската страна“, додаде таа.

Властите во Еквадор рекоа дека Москва се спротивставува на овој потег, но верува дека сепак имаат право да го сторат тоа.

ТОП ВЕСТИ

ПОСЛЕДНИ ВЕСТИ