Еден од столбовите на жичарницата во петокот од засега непознати причини се срушил, луѓето во кабината, која се распаднала по ударот во столбот, паднале на карпеста површина.
Седум лица, меѓу кои две деца, се повредени при падот на кабината, додека уште три лица се повредени при евакуацијата.
Во моментот на инцидентот во воздух имало 24 кабини. Шеснаесет часа подоцна, повеќе од 60 лица сѐ уште се во преостанатите девет кабини кои сѐ уште се во воздух, додека 112 лица се евакуирани, соопшти турското Министерство за внатрешни работи, пренесува Ројтерс.
Antalya’nın Konyaaltı ilçesindeki Tünektepe Teleferik Tesisi’nde kaza nedeniyle kabinlerde mahsur kalanlar, gece görüşlü helikopterlerin yardımıyla kurtarılıyor. İçişleri bakanlığının koordinasyonu ile sabaha kadar süren kurtarma çalışmalarında 15 kabinde asılı kalan 98 kişi… pic.twitter.com/fEGOC4sUMJ
— Emrullah Erdinc (@emrullaherdinc) April 13, 2024
Нема повредени меѓу луѓето кои чекаат да бидат извлечени од кабините, властите имаат намера да го завршат нивното спасување пред зајдисонце.
По инцидентот беа ангажирани седум хеликоптери и повеќе од 500 спасувачи.
Жичарницата има 36 кабини, секоја со капацитет од шест лица. Во просек, потребни се околу девет минути за возење со жичарница до врвот Тунектепа со панорамски поглед на Анталија.
