„Нѐ радува фактот што за само една година Diamond Mall стана едно од омилените места во градот за сите љубители на купувањето, добрата храна и забавата. Нашиот концепт на прв ,лајф-центар’ беше препознаен и бројот на посетители постојано расте, а ние со голема посветеност работиме на креирање нови содржини и збогатување на нашата понуда. Многу скоро ќе ја надополниме нашата понуда со нови ексклузивни брендови, со што ќе ја зголемиме дополнително атрактивноста и за посетители од регионот“, истакна Селин Октај, директорка на Дајмонд мол.
Од отворањето на Дајмонд мол во октомври минатата година, бројот на посетители се зголеми за 50%. Интересот за понудата во Дајмонд мол во континуитет расте. Со вселување на последните две кули во рамки на комплексот чиј дел е трговскиот центар, се очекува фреквенцијата на дневно ниво дополнително да се зголеми.
Дајмонд мол е еден од главните делови на мултифункционалниот комплекс „Diamond of Skopje“, инвестиција вредна над 350 милиони евра. Покрај Дајмонд мол, комплексот го сочинуваат и четири резиденцијални згради од кои две се веќе вселени, деловни простории и хотелот Limak Skopje Luxury Hotel. Вкупната површина за закуп во Дајмонд мол изнесува 48.000 м², распоредени во 150 продавници со различна понуда. Покрај тоа, во рамките на овој трговски центар функционира веќе добро познатата Гурманска авенија (Gourmet Avenue) со богат избор на ресторани, барови и кафулиња кои нудат локални и интернационални вкусови. Во Дајмонд мол се наоѓа и најголемата зона за едукација и забава на деца и млади – Зоната на соништата (Dream Zone), која е сместена на 3.500 м².
Мултифункционалниот комплекс „Diamond of Skopje“ е во сопственост на „Лимак Скопје“, дел од групацијата „Лимак“ која со своите активности е присутна во 17 земји во светот и вработува повеќе од 60.000 лица. Групацијата делува во секторите градежништво, туризам, енергетика и инфраструктура.
