Еден Азар во дресот на Челси се промовираше во еден од најдобрите фудбалери во Премиерлигата и си обезбеди трансфер во Реал вреден преку 100 милиони евра.
Но тој во Мадрид никогаш не блесна, често се мачеше со повреди и вишок килограми, па ова лето предвреме го раскина договорот со „кралевите“.
Изминатиов период кружеа гласини дека Еден Азар не добил ниту една интересна понуда и размислува за пензија на 32 години, но последните информации говорат за негово сензационално враќање во Премиерлигата.
Кристал Палас е подготвен да се коцка со фудбалерот од Белгија и да му понуди едногодишен договор според кој ќе заработува во зависност од одиграната минутажа и перформансите.
Една ваква соработка може да биде корисна за двете страни, Еден Азар ќе треба да се докаже на теренот за да заработи убава сума на пари, а Кристал Палас пак ќе одвои милиони само доколку напаѓачот прави разлика на теренот со своите дриблинзи, асистенции и голови.
