Нешто пред 10:30 часот ѕвоната кои се придвижуваат со мотори се огласија едно по друго додека заедно не постигнаа хармоничен звук, пишуваат медиумите.
„Ова е убава етапа, важна и симболична, сите ѕвона заедно за првпат од пожарот“, кажа Филип Жост, кој ја води јавната установа задолжена за реставрацијата на катедралата.
Катедралата по завршувањето на реставрацијата треба да биде отворена на 7 декември.
Шефот на работата на поставувањето на ѕвоната кажа дека не е сè уште сè совршено, но дека првата проба поминала и дека сè ќе се доведе до совршенство.
Враќањето на ѕвоната е дополнителна фаза во оживувањето на една од најголемите катедрали на Римокатоличката црква, внесена во светското наследство на Унеско и еден од најпосетените споменици во Европа.
По пожарот од 15 април 2019 северниот дел на катедралата мораше внимателно да биде реставриран, а за тоа да се направи осумте ѕвона во кулата мораа внимателно да бидат симнати, исчистени и реставрирани.
Ѕвоната носат називи на личности кои ја обележале таа бискупија и црквата. Реставрираните ѕвона, од кои најтешкото е четири тони, се вратени во катедралата кон средината на септември.
