понеделник, 15 април 2024
Британскиот суд одлучи

Џулијан Асанж нема да биде екстрадиран сега, САД треба да дадат уште гаранции

Џулијан Асанж од Викиликс денеска доби шанса да ја продолжи својата борба против екстрадицијата во Соединетите Држави, откако Високиот суд во Лондон рече дека САД треба да дадат повеќе гаранции.

Фото: ЕПА

Објавено на

часот

Сподели

Американските обвинители сакаат да му судат на Асанж (52) по 18 точки од обвинението поради објавувањето доверливи воени досиеја и дипломатски телеграми од страна на Викиликс.

Адвокатите на Асанж во февруари побараа дозвола да го оспорат британското одобрување за неговата екстрадиција во САД, тврдејќи дека неговото гонење е политички мотивирано.

Во својата пресуда, двајца високи судии рекоа дека тој има реални шанси успешно да поднесе жалба против екстрадицијата по повеќе основи, објави Ројтерс.

Судот побара од американските власти „задоволителни гаранции“ за прашањата дали тој може да се повика на Првиот амандман на Уставот на САД и дали може да биде подложен на смртна казна.

Ако тие гаранции не се добијат, тогаш Асанж ќе добие дозвола за жалба. Следното рочиште е закажано за 20 мај.

САД тврдат дека откритијата на Викиликс ги загрозиле животите на нивните агенти и дека немало оправдување за неговиот криминал.

Многубројните поддржувачи на Асанж го поздравуваат како херој против естаблишментот, кој е прогонуван, и покрај тоа што е новинар, за разоткривање на погрешните постапки на САД и наводните воени злосторства.

Во меѓувреме, САД соопштија дека Асанж бил обвинет за „неселективно и свесно“ објавување на имињата на изворите, а не за неговите политички мислења.

ТОП ВЕСТИ

ПОСЛЕДНИ ВЕСТИ