вторник, 28 мај 2024

Две жени завршија на Токсикологија, излегле на балкон да го гледаат пожарот во Универзална

По пожарот што претпладнево избувна во Универзалната сала, две женски лица биле однесени на Токсикологија, потврди за МИА професор доктор Нико Беќаровски од оваа клиника. За време на големиот пожар кога над Скопје се издигаше густ црн час двете жени од соседната зграда излегле на балкон да го видат пожарот и вдишале од чадот. Нивната здравствена состојба е добра.

Фото: МКД

Објавено на

часот

Сподели

„Класично повредени, нема. Има само две женски лица, на средни години, кои се донесени поради мала изложеност на гасови, од соседната зграда. Тие во моментот на настанот, излегле до балкон на кратко, отвориле врата. Станува збор за мала количина на гас. Лицата се добри, по неколкучасовна опсервација ќе бидат пуштени дома“, појасни Беќаровски.

Командирот на скопската Бригада за противпожарна заштита Звонко Томески изјави дека уште не се познати причините за пожарот што претпладнево избувна во Универзалната сала во Скопје. Како што рече, причините дополнително ќе ги утврди полициската екипа. Тој напомена дека нема повредени затоа што во моментот немало градежни работи.

Томески рече дека за кратко време пожарот бил ставен под контрола иако имале висока температура во самиот објект. Како што посочи, вкупно интервенирале со девет противпожарни возила и 24 пожарникари.

ТОП ВЕСТИ

ПОСЛЕДНИ ВЕСТИ