Во инцидентот нема повредени, соопшти британското Министерство за одбрана, одбивајќи да ја коментира природата на судирот додека трае истрагата. Двата брода се сместени таму како дел од долгорочното присуство на Обединетото Кралство во Заливот.
И двете се специјализирани пловила за отстранување или детонирање мини и помагаат да се обезбеди безбеден протек на трговијата низ водите, според Кралската морнарица. „Знаеме за инцидент во кој учествуваа два миночистачи во Бахреин. Нема жртви како резултат на овој инцидент и би било несоодветно да се коментира дополнително додека истрагата е во тек“, изјави портпаролот на Министерството за одбрана за Би-би-си.
Let's check in on the mighty British navy…. 👀
UK’s HMS Chiddingfold and HMS Bangor collided in Bahrain.#navy #yemen #houthis #unitedkingdom #royalnavy #HMSChiddingfold #hmsbangor pic.twitter.com/o8O2sGlShV
— Mrgunsngear (@Mrgunsngear) January 20, 2024
Во меѓувреме, контраадмиралот Едвард Алгрен истакна дека причината за судирот „допрва треба да се утврди“.
„Ние ги обучуваме нашите луѓе според највисоките стандарди и ригорозно ги спроведуваме безбедносните стандарди, но за жал, инциденти од ваква природа сè уште може да се случат“, објасни тој.
Целосната и темелна истрага „веќе е во тек“, потврди контраадмиралот Алгрен, „и сите промени што би можеле да спречат понатамошни инциденти ќе бидат брзо спроведени“. „Во меѓувреме, Британија ќе продолжи да игра клучна улога во обезбедувањето на безбедноста на трговскиот превоз во регионот“, најави тој.
На снимката, која не е потврдена од Би-би-си, се гледа нешто што изгледа како голема дупка во трупот на Бангор по судирот. Ова не е прв пат Чајдингфолд да биде вклучен во ваков инцидент. Во 2021 година, исто така во близина на брегот на Бахреин, го удри Пензанс, брод од иста класа како Бангор.
