На плоштадот „Скендербег“ има зголемено полициско обезбедување затоа што приврзаниците на ДУИ се на неколку метри пред штабот на коалицијата Вреди.
Пред штабот во Мала Речица членовите и симпатизерите на ДУИ слават со зурли и тапани. Кандидатот на ДУИ, Бујар Османи, е во водство пред кандидатот на албанската опозиција, Арбен Таравари.
„Славиме победа на Европскиот фронт. Славиме дека ќе победиме со над 20 пратеници на 8 мај, на претседателските и парламентарните избори. Ќе славиме ослободување на Чаир, на Тетово, на Гостивар, на Желино и на сите други окупирани општини со помош на ВМРО-ДПМНЕ, Левица, Додик, Путин и Вучиќ. Денеска е ден на ослободување како што ќе биде и 8 мај, ден пред Денот на Европа“, рече вицепремиерот од редовите на ДУИ, Артан Груби на славењето на плоштадот Скендербег.
На плоштадот „Скендербег“ има зголемено полициско обезбедување, а Изборниот штаб на албанската опозиција „Вреди“ е преместен во трговскиот центар Мавровка.