недела, 3 март 2024

ДС: Мораториум на проектот со Бехтел и Енка додека не се објави договорот и не се изврши ревизија

Објавено на

часот

Сподели

„Бидејќи претседателот на Владата, Димитар Ковачевски, тврди дека договорот со Бехтел и Енка е во целосна согласност со основниот закон за изградба на коридорите кои го предложиле и изгласале самите пратеници, а тоа значи префрлање на одговорност врз пратениците, Демократскиот сојуз бара деветте (или осумте) закони кои пратениците ги поднесоа за усвојување во скратена постапка, да се повлечат и Владата да ги достави до Собранието во редовна постапка.

Во меѓувреме, постигнатиот договор со Бехтел и Енка да се достави до сите пратеници и до јавноста, за да може да се направи анализа и стручна експертиза.

Доколку Владата и натаму инсистира на тоа дека договорот е класифициран, за тоа да се произнесе Дирекцијата за безбедност и класифицирани информации.

До завршување на сите овие претходни активности, да се стави мораториум на имплементацијата на овој стратешки проект.

Инаку со индигнација ги отфрламе тезите на власта дека тие што наводно го оспоруваат овој проект, се против САД и ЕУ.

Јавно соопштуваме дека има сомнежи за корупција од големи размери и додека не се обезбеди целосна транспарентност и ревизија на досегашните активности нема да поддржиме законски измени кои се резултат на веќе потпишаниот договор, за кој граѓаните треба да платат околу 2 милијарди евра“, се вели во соопштениетоп на Демократскиот сојуз.

ТОП ВЕСТИ

ПОСЛЕДНИ ВЕСТИ