Истата ноќ, откако борбениот авион на американската морнарица беше соборен над Црвено Море, друг авион речиси ја доживеал истата судбина.
„Ф/А-18 „суперхорнет“, кој летал неколку милји зад соборениот „хорнет“, бил приморан да преземе маневри за избегнување откако втора ракета земја-воздух била испукана од крстосувачот УСС Гетисбург, која за влакно го промашила вториот авион додека се подготвувал за слетување на носачот на авиони Хари С. Труман“, кажал за Фокс извор запознаен со овој инцидент.
REPORT: The same night a U.S. Navy F/A-18 Super Hornet fighter jet was shot down by “friendly fire” a second fighter jet nearly suffered the same fate and had to take evasive action to avoid a surface-to-air-missile fired from the USS Gettysburg, according to Fox News.
The… pic.twitter.com/yQC62aSWNJ
— RedWave Press (@RedWave_Press) December 24, 2024
Функционер на морнарицата потврдил дека втора ракета СМ-2 била испукана од УСС Гетисбург, додавајќи дека морнарицата истражува дали ракетата го гаѓала вториот авион. Морнарицата истражува и дали УСС Гетисбург го исклучил системот за наведување на втората ракета. Вториот инцидент во кој речиси ќе бил соборен втор авион на американската морнарица не бил претходно пријавен.
„Крстосувачот со наведувани проектили УСС Гетисбург, кој е дел од ударната група на носачот УСС Хари С. Труман, по грешка пукал и го погодил Ф/А-18. Овој инцидент не е резултат на непријателско дејствување и истрагата е во тек“, се наведува во соопштението на Централната команда на војската на САД.
Изворот на Фокс њуз кажал дека тоа не е точно туку дека авионот Ф/А-18 „суперхорнет“ се обидувал да слета на носачот на авиони откако бил погоден додека вршел мисија на полнење гориво во воздух за авионите кои изведувале воздушни напади на Јемен.
Could this be a possible cover-up by Centcom to hide the fact that Houthis shot down a F/A 18 super hornet? https://t.co/6WeE9TeaGb
— Shatta Blaze (@EpsonSwifty) December 23, 2024
„Авионот имал улога на танкер кој се враќал да слета на носачот оддалечен околу 10 милји. Препознале дека проектилот се движи кон нив и се катапултирале три секунди пред авионот да биде погоден“, кажал изворот.
Пилотот и офицерот за оружените системи се катапултирале и ги собрал спасувачки хеликоптер и ги вратил на носачот. Едниот добил „помали повреди“, се наведува во соопштението на Центком.
Ни Централната команда на САД ни Пентагон не откриле дека крстосувачот испукал втор проектил во втор американски борбен авион и за влакно избегнал да биде соборен.
„Крстосувачот речиси соборил два пријателски авиони“, кажал изворот.
SNAFU #2
The F/A-18 Super Hornet 🐝was attempting to land aboard Truman when it was shot down🛬
The crew recognized the missile and punched out about three seconds before the missile hit the jet🚀https://t.co/ci2OHR3IZy #FoxNews
— Greta_USA (@DEI_Greta) December 24, 2024
Централната команда на 15 декември призна дека носачот на авиони пристигнал на Блискиот Исток, но не наведе дека тој и неговата борбена група се наоѓаат во Црвено Море.
Ова е најсериозниот инцидент за Американците во повеќе од една година откако ги напаѓаат Хутите во Јемен. Инцидентот покажува колку е опасно Црвено Море, поради честите напади на бродовите.
