Адвокатот изјави дека Јун одлучил да присуствува на сослушувањето за да ја врати својата чест и да објасни дека легитимно вовел кратка воена состојба на 3 декември и дека тоа не е бунт.
Адвокатот на Јун рече дека по сослушувањето, отповиканиот претседател се очекува да биде вратен во притвор во Сеул за да се чека одлуката на судот, која се очекува денеска или утре. Канцеларијата за истрага на корупција на високи функционери го обвинува Јун за бунт откако воведе воена состојба на 3 декември, тој нема имунитет како претседател во врска со тоа обвинение.
Откако утрово полицијата разби толпа приврзаници на Јун кои го блокираа влезот на судот во Сеул, илјадници негови приврзаници се собраа по почетокот на сослушувањето. Полицијата соопшти дека повеќе од 12.000 приврзаници на Јун се собрале пред судот.
Во петокот истражителите побараа притворот на Џун да биде продолжен за 20 дена. Тој одби да разговара со истражителите и е во притвор во Сеул од неговото апсење во средата.
На денешното рочиште тој требаше да објасни зошто на 3 декември накратко воведе воена состојба во земјата. Јужнокорејскиот парламент на 14 декември го отповика Јун за воведување воена состојба.
