Имено, како што пренесе Ројтерс, војниците биле осудени вчера во градот Луберо, во источната провинција Северен Киву, каде конгоанските сили речиси три години се борат против бунтовничкото движење М23, кое е поддржано од Руанда, но и против други паравоени групи.
Борбите се интензивираа во областа Луберо, а случаите на војници кои ги напуштаат своите позиции му помогнаа на непријателот да напредува, рече портпаролот на локалната армија Мак Хазукај. „Некои од војниците кои треба да се борат со непријателот на линијата на фронтот покажаа одреден вид недисциплина“, рече тој.
„Моравме да го организираме ова едукативно судење за да ги поставиме работите на свое место“.
На судењето учествуваа вкупно 24 војници. Покрај 13-те војници кои добија смртна казна, четворица се осудени на затворски казни од 2 до 10 години, шест војници се ослободени, а еден случај е одложен за понатамошна истрага.
Сослушувањата беа наменети за „враќање на довербата меѓу војската и населението“, изјави воениот обвинител Кабала Кабунди за Ројтерс. Сите осудени се изјаснија за невини и имаат право на жалба на пресудата во рок од пет дена, рече Кабунди. Адвокатот на еден од обвинетите изјави дека ќе поднесе жалба.
