Во гостување на ТВ Клан Македонија Тачи рече овој договор е резултат на долги разговори и тана идеја која постепено се обликуваше во последните две години.
Тачи ја цени улогата на Ахмети како лидер на оваа нова мисија и ја изрази својата поддршка за формирање на помоќна коалиција.
„Денеска со Ахмети го склучивме договорот кој ќе биде потпишан во понеделник во 12 часот во Домот на културата во Тетово. Имавме долги разговори, ова беше идеја на господинот Ахмети од пред две години. Оваа идеја полека созрева меѓу ДУИ и ДПА. Во понеделник ќе потпишеме договор и со Партијата за евроинтеграции на Арјанит Хоџа. Планираме да ни се приклучат и турска и босанска партија како и и неколку здруженија. Сите тие се предводени од Ахмети како носител на оваа мисија. Јас отсекогаш сум бил директен и не е на мене да го спречам господинот Ахмети да направи помоќна коалиција. Нашата комуникација е еднострана само со ДПА, а останатото е само одговорност на господинот Ахмети. Коалицијата во која што сме ние има главна политичка сила , а тоа е ДУИ на Ахмети и тоа е реалноста денес. Останатите се фрагменти од пропаднати партии кои се уште не ја покажале својата моќ во изборниот процес“, рече лидерот на ДПА, Мендух Тачи.
