Далас и Оклахома одиграа изедначен натпревар, двете екипи се менуваа во водство, но на крајот домаќините се радуваа на триумф и предност во серијата.
Лука Дончиќ целиот плејоф го игра со повредено колено, Словенецот тешко и со болка се движи, но и таков е еден од најдобрите на теренот. Тој имаше дабл-дабл учинок со 22 поени и 15 скокови. 22 поени постигна и Ирвинг, а најефикасен во составот на Далас беше Вашингтон со 27 поени. Кај Оклахома Гилџус Александер реализираше 31 поен, имаше и 10 скокови.
И на следниот натпревар од серијата Далас е домаќин.
Бостон експресно го врати брејкот откако победи во Кливленд со 106-93. Тејтум беше најдобар со 33 поени и 13 скокови, Браун реализираше 28. Во составот на Кливленд, Мичел постигна 33 поени.
Резултати:
Далас – Оклахома 105-101 (2-1)
Кливленд – Бостон 93-106 (1-2)
