На листата на должници, која е јавно достапна на веб-страницата на УЈП, има 1962 правни лица, што е помалку за седум должници од претходната листа и 3915 физички лица, односно повеќе за 69 од претходната листа.
Вкупно објавениот нето долг изнесува 11.509.677.366 денари (185,6 милиони евра), односно за 309.353.404 денари (околу 5 милиони евра) повеќе од претходната листа. Нето-долгот за даноци и придонеси изнесува 11.332.488.139 денари (182,7 милиони евра), поточно за 268.957.462 (4,3 милиони евра) повеќе од претходната листа, додека долгот за царински давачки е 177.189.227 денари (2,8 милиони евра) или за 40,395,942 (околу 650 илјади евра) повеќе од претходната листа.
