Oд Авто мото сојузот на Србија информираат дека на граничниот премин Прешево за влез во Македонија, како и за влез во Србија се чека до 60 минути. Од Авто мото сојузот на Македонија не наведоа прецизна информација колку траат чекањето и формалностите на преминот Табановце.
„На останатите гранични премини, од македонска страна, нема подолги задржувања“, соопшти АМСМ.
Зголемен интензитет на сообраќај има и на патните правци надвор од градските средини. Сообраќајот на останатите државни патишта се одвива непречено, по суви коловози, велат од АМСМ.
