„Неговото враќање на челото на САД би значело враќање на разумната и праведната надворешна политика од која зависи и глобалната стабилност“, кажа Додик.
Оцени дека РС „заслужува Америка која го почитува дејтонското уставно уредување на Босна и Херцеговина и суверенитетот на локалните институции, наместо онаа која наметнува амбасадорско самоволие и придонесува на нестабилноста“.
„Системот кој го имаат САД и БиХ е заснован на принципите на проверки и рамнотежа, за да се обезбеди рамноправност и да се спречи доминација на една страна. Како што во Америка најмногубројната држава Калифорнија не може да ја наметнува својата волја на целиот сојуз, така и во БиХ мајоризацијата не може да помине и успее“, смета Додик.
Според него, Трамп тоа го разбира, поради што, како што кажа, за разлика од претходните администрации подобро ќе ја разбере и ситуацијата во БиХ.
„Трамп нема да ја жртвува стабилноста и напредокот на БиХ за експерименти и ситни игри на неколкумина кои на тоа изградија кариери и стекнаа пари“, оцени Додик.
Додаде дека „со надеж очекува победа на Доналд Трамп и се радува на новата ера на соработка со Белата куќа“.
