Според податоците на ЦУК активни се пожарите во Македонски Брод, во пределот меѓу селата Тажево и Брезница на кракот кон Националниот парк Јасен, вториот активен пожар е на територија на две општини, Демир Хисар и во Општина Охрид, на Илинска Планина, во реонот кај селата Витово, Базерник, Мало Илино и Брежани и третиот активен пожар е, исто така, на територијата на две општини, во Општина Дојран и Општина Богданци во реонот кај селото Фурка во правец кон Богданци. Во општините Македонски Брод и Охрид повторно се активираа пожарите кај село Слатина односно на планината Галичица. Гори и во Чашка кај селата Папрадиште и Ореше и во Петровев кај селото Градманци.
Шест од пожарите на отворен простор се под контрола и тоа во Општина Охрид помеѓу селата Косел – Расино – Опеница – Вапила, во Пробиштип помеѓу селата Зелениград и Јамиште, Македонски Брод кај село Слатина, во Пласница кај село Латово кој е сѐ уште чади и во селото Пласница кој е изгаснат, во Делчево каде гори депонијата, во Зелениково кај село Вражале и во Општина Студеничани меѓу селата Драчевица и Црвена Вода.
Според информациите на ЦУК, изгаснати се три пожари на отворено во општината Гостивар два пожари и еден во Општина Валандово кај селото Пирава.
