недела, 23 јуни 2024

Директорот на БЈБ, Тасевски има сеемен бизнис на домашна адреса, обвинува Стоилковски

Објавено на

часот

Сподели

„Очигледно човекот има многу време, па покрај директорувањето со полицијата, со најважниот инструмент за спречување на криминалот и корупцијата, сега семејно ќе водат и бизнис. На 12 октомври лани, 2022 година на домашна адреса на Сашо Тасевски е регистрирано Друштво за трговија, услуги и производство СМАРТИОТ ДООЕЛ со ограничена одговорност на едно лице, сопственик и управител, синот на Сашо Тасевски. Почитувани Сашо Тасевски е должен да одговори, со што тоа семејно се занимаваат на домашна адреса, со што тргуваат, какви услуги се нудат и што произведуваат? Колкав бизнис е во прашање и кои се клиентите до сега? Дали и колку позицијата директор на БЈБ добро влијае при склопување на зделки на фирмата на неговата домашна адреса? За блискоста на семејството Тасевски и до сега имало случаи и скандали за кои што на прашањата на прес конференциите останаа неодговорени, од тоа дали Тасевски семејно присуствувале на пукањето од автоматска пушка, до тоа дали Сашо Тасевски го сокрил синот во случајот напад врз полицаец во градски парк?“, прашува Стоилковски. 

Тој вели дека не верува дека Тасевски ќе го остави синот да не успее како бизнисмен и дека нема да му помогне во развојот на фирмата на домашна адреса.

„И како последно прашање за Тасевски денеска е, зошто за основањето на фирмата на домашна адреса не ја известил ДКСК? Тоа му е должност и обврска, а треба да е и пример за другите, особено по аферата “Тајни имоти” за неговите сопартијци! Сашо Тасевски е директно одговорен за спречување на криминалот и корупцијата на терен, но фактите покажуваат дека  веројатно повеќе се посветувал на развојот на приватниот  бизнис на домашна адреса. Едно е јасно, дека невозможно е Македонија да направи било каков исчекор со овие луѓе, со ДУИ и СДС, и решението се избори што поскоро!“, рече Стоилковски на прес-конференција. 

ТОП ВЕСТИ

ПОСЛЕДНИ ВЕСТИ