Димовски: За ова вреди и да се обнови повреда

„Чекав два натпревари да влезам да играм, сега се случи тоа и ништо не е важно. Ниту болката, ниту повредата. За ваков успех вреди да се обнови повредата, па нека играат сега пак другите. Вредеше да се влезе, да се почувствува, да се биде дел од овој успех. Победивме зашто ја засиливме одбраната како што треба, иако во цело прво полувреме направивме два фаула, а и тие беа за исклучување. Во вториот дел одигравме перфектно, направивме многу шанси, секој удар беше зицер. Во Белград се надевам дека само ќе ни расте формата и дека ќе бидеме сè подобри и подобри“, изјави Димовски.