Зафатените површини со пожарот се простираат од селата Пепелиште и Бистренци од страната на Неготино до штипскиот реон и селата Драгоево и Селце.
На територија на планината Серта, од сите страни се пожарникари, припадници на армијата и на полицијата, ловџиите, а одозгора се гасне и со хеликоптери и ер-трактори. Се гасне пожарот кај гасоводот, во близина на селата Селце, Драгоево и Пиперово. Со помош на механизација од комуналните претпријатија и приватни фирми се прават пресеци во шумскиот предел, за да не се шири огнот.
Колкава е штетата од овој пожар на планината Серта дополнително ќе се утврдува.
