Големиот земјотрес не предизвика никакви проблеми во населените места на Халкидики. Епицентарот на вчерашниот најсилен земјотрес регистриран кусо по 19 часот по локално време беше во морскиот дел на 12 километри југозападно од Неа Мудања. Во период од нешто повеќе од 12 часа биле регистрирани 68 земјотреси помали од 2 степени.
Професорот по сеизмологија на Солунскиот Универзитет, Костас Папазахос за државната телевизија ЕРТ утрово рече дека земјотресот од 5,2 степени е вообичаен земјотрес за Грција во нормален расед во регионот на Халкидики, а станува збор за „област со релативно ниска сеизмичка активност“.
Земјотресот од 18 часот и 3 минути со Рихтерова локална магнитуда ML5.1 е почувствуван од населението во Гевгелија и во Струмица со интензитет од III – IV степени според Европската макросеизмичка скала, и во Велес и во Скопје со интензитет од III степени според истата скала.
