Ноќеска тимот од Колорадо ја оствари третата победа во низа и седма во последните осум натпревари откако на домашен терен ја прегази Филаделфија со 144-109. Со тоа потсети на најдобрите денови, кога без проблеми ги победуваше ривалите и ја освои шампионската титула во 2023 година.
Одлучувачко беше второто полувреме кое Денвер го доби со 67-42 откако првиот дел заврши со водство од 10 разлика за домашниот тим (77-67). Филаделфија пак беше без својата прва ѕвезда Жоел Ембид, но и тој да играше, прашање е колку можеше да направи на овој меч.
Никола Јокиќ го оствари 19. трипл дабл во сезоната, постигнувајќи 27 поени, 13 скока и 10 асистенции. Макси беше најефикасен кај Филаделфија со 28 поени и 10 скока, а се истакна и Јабуселе со 22 поена.
Резултати
Бруклин – Њујорк 95-99
Мајами – Портланд 117-106
Торонто – Орландо 109-93
Денвер – Филаделфија 144-109
ЛА Лејкерс – Вашингтон 111-88
