За разлика од првите два меча кои ги играше на домашен терен, Денвер овојпат беше на многу повисоко ниво. Шампионот уште од стартот покажа дека е подготвен за одличната Минесота.
Денвер постојано имаше водство, победата во ниту еден момент не му беше загрозена, на крајот славеше со 117-90.
Никола Јокиќ за една асистенција не комплетираше трипл-дабл, постигна 24 поени, имаше 14 скокови и девет асистенции. Одличен на овој меч беше и Мареј со 24 поени, Портер постигна 21. Во составот на Минесота, најдобар беше Едвардс со 19 поени.
За разлика од серијата меѓу Денвер и Минесота каде екипите победуваат на гости, на дуелот меѓу Индијана и Њујорк се користи домашниот терен.
Индијана го совлада Њујорк со 111-106 и намали на 1-2 во серијата. Клучна за победата беше последната четвртина во која гостите постигнаа само 16 поени, ја загубија предноста и овозможија триумф на домаќините.
Халибартон со 35 поени беше најдобар кај Индијана, во составот на Њујорк Дивинченцо реализираше исто така 35 поени.
Резултати:
Индијана – Њујорк 111-106 (1-2)
Минесота – Денвер 90-117 (2-1)