Како што соопшти Министерството за надворешни работи, за време на посетата предвидено е Османи и Дендијас да дискутираат за евроинтеграциите, за билатералните односи, а во тој контекст за напредокот во развојот на стратешкото партнерство, случувањата во регионот, посебно од аспект на неговите интегративни процеси, случувањата во светот, како и обврските и спроведените активности согласно Преспанскиот договор и исполнувањето на утврдените цели согласно Акциониот план за соработка и имплементација на Преспанскиот договор.
Инаку, ова е трета посета на Дендијас на Македонија, првата беше во ноември 2019 година, а втората во август минатата година и е во рамките на мини турнејата во рамките на која веќе ги посети Албанија и Босна и Херцеговина.
