Претседателот на Русија Владимир Путин прогласи национален ден на жалост откако вети дека ќе се најдат и казнат сите кои стојат зад нападот, во кој загинаа 133 луѓе, вклучувајќи три деца, а над 150 се повредени.
„Им изразувам длабоко, искрено сочувство на сите оние кои ги изгубија своите најмили“, кажа Путин во вчерашното обраќање. „Со вас тагува целата земја и целиот наш народ“.
Исламска држава ја презема одговорноста за нападот во петокот, но Путин не ја спомна јавно милитантната група во врска со напаѓачите, за кои кажа дека се обидувале да избегаат во Украина, тврдејќи дека некои „од украинска страна“ подготвиле да ги префрлат преку границата.
Украина повеќе пати негираше каква било улога во нападот, за кој Путин го обвини „меѓународниот тероризам“.
Луѓето положуваат цвеќе во Крокус сити хол, концертна сала со 6.200 места во околината на Москва.
